Na Happiness
Katabazi
HATIMAYE Mahakama ya
Hakimu Mkazi Kisutu Dar es Salaam, imewahukumu adhabu ya kwenda jela miaka tisa
kila mmoja au kulipa faini ya Sh.Milioni 15 kila mmoja aliyekuwa Mkurugenzi Mkuu wa wakala wa
majengo nchini (TBA,)Makumba Togolai Kimweri na Richard Maliyaga waliokuwa wakikabiliwa
na kesi ya matumuzi mabaya ya madaraka ya kuruhusu ujenzi wa ongezeko wa
maghorofa sita zaidi katika Jengo refu linalochungulia Ikulu Dar es Salaam.
Hukumu hiyo
ilitolewa jana na Hakimu Mkazi Sundi Fimbo ambaye kwa sasa ni Hakimu Mfawidhi
wa Mahakama ya Wilaya Kilosa, alianza kwa kuikumbusha mahakama kuwa hati ya
mashitaka ya kesi ina jumla ya makosa matano na iliyofunguliwa
chini ya Kifungu cha 31cha Sheria ya Kuzuia na Kupambana na RushwaNo 11 ya mwaka
2007.
Hakimu Fimbo
alilijata kosa la kwanza lilikuwa ni la kuruhusu ujenzi wa jengo hilo lenye
ghorofa 12 bila kufanya upembuzi endelevu na kosa la pili ,tatu, nne la
ni la kutoa kibali cha kujengwa kwa jengo hilo wakati hawakuwa na mmlaka
ya kutoa kibali hicho ni Mamlaka ya Mipango Miji ya Manispaa ya Ilala
ndiyo ilikuwa na mamlaka ya kutoa kibali cha kufanyiwa marekebisho ya matumizi
ya jengo hilo na kosa la tano ni la matumuzi mabaya ya madaraka ambao
washitakiwa hao walitumia madaraka yao vibaya kwakuruhusu mabadiliko sakafu
katika ujenzi huo ambao mabadiliko hayo yaliruhusu kinyume cha sheria
kuongeza idadi ya ujenzi zaidi wa ghorofa saba kwenda juu wakati jengo
hilo lilistahili kujengwa ghorofa sita tu na hivyo kufanya jengo hilo sasa kuwa
na jumla ya ghorofa 12.Mshitakiwa wa kwanza anakabiliwa na kosa la kwanza,pili
na la tano wakati mshitakiwa wapili anakabiliwa na kosa la tatu,nne na tano.
Hakimu Fimbo alisema
kwanza anashangwa hadi sasa Manispaa ya Ilala ilishindwa kuchukua hatua kuhusu
ujenzi wa jengo hilo lilojengwa kinyume na sheria ambalo lipo katika
ukanda wa (security Zone),wakati Sheria inaipa mamlaka Manispaa ya Ilala
kuchukua hatua na kwamba kutokana ushahidi uliotolewa mahakama yake imefikia
uamuzi wa kuona ghorofa la saba hadi 12 yalijengwa kinyume na sheria.
“Ajabu sana
kwani Manispaa ya Wilaya ya Ilala ilikuwa na mamlaka ya kuchukua hatua za
kisheria kuhusu ujenzi wa jengo hilo ambalo umekiuka sheria za nchi lakini
ilishindwa kufanya hivyo…sasa nafikiri kupitia hukumu hii naona ni muda muafaka
sasa kwa Manispaa hiyo kutekeleza yale hukumu hii ya mahakama kuhusu ujenzi wa
jengo hilo ambalo haujakithi matakwa ya sheria za nchi”alisema Hakimu Fimbo.
Alisema anaukataa
utetezi wa washitakiwa uliokuwa ukidai kuwa hawakuwa wakijua kumruhusu
mwekezaji ambaye ni Kampuni ya Royal Orchard Inn kujenga maghora zaidi juu
kwani kuna vielelezo vilivyotolewa na wakili wa Takukuru, Leonard Swai kuwa
kuna barua ya Katibu Mkuu Kiongozi iliyokuwa ikienda kwa kwashitakiwa hao
ikiwaambia waombe kwanza kibari kwa mamlaka ya Mipango Miji cha
mabadiliko ya matumizi ya adhi katika Kitalu Na. 45 na 46 Mtaa wa Chimala
,lakini kwa maslahi yao binafsi walipuuza agizo la barua hiyo na kuamua
kujitwisha madaraka ambayo hawana wakaamua kuruhusu ongezeko la ujenzi wa
ghorofa za saba zaidi juu.
‘Kwa hiyo mahakama
hii inakataa utetezi wao kuwa walikuwa hawana taarifa iliyowataka waombe kibali
cha mabadiliko ya matumuzi ya ardhi hiyo ambayo ni eneo la Ukanda wa
Usalama,…kama washitakiwa hao wasingevunja kifungu cha 32 cha Sheria ya Makazi
No. 8 ya mwaka 2007 ni wazi mwekezaji ambaye ni kampuni ya Royal Orchard Inn
Ltd asingeweza kunufaika katika mkataba wa jengo hilo ambalo ni baina ya
serikali na kampuni hiyo:
“Ni sahihi kabisa
kama washitakiwa hao wasingevunja sheria , hakuna njia mwekezaji hiyo angeweza
kupata uniti 19 ni kama amepangisha na anachukua kodi kila mwezi na kwamba
kifungu cha 31 cha Sheria ya Takukuru ya mwaka 2007 kinaonyesha washitakiwa
walinufaika binafsi na ujenzi huo wa ghorofa hilo kinyume na sheria na
kwa maana hiyo mahakama upande wa jamhuri umeweza kuthibitisha kesi yake bila
kuacha mashaka”alisema hakimu Fimbo.
Baada ya
kuwatia hatiani na kabla ya kutoa adhabu aliwataka mawakili wa pande zote
mbili kusema chochote kama wanacho ambapo wakili wa Takukuru, Leonard Swai
alieleza kuwa hana rekodi za washitakiwa kuwa kama huko nyuma waliwai kutiwa
hatiani kwa makosa ya jinai ila akaiomba mahakama itoe adhabu kwa wengine ambao
wamekuwa wakijijengea majengo bila kufuata sheria na hasa ukizingatia jengo hilo
linapaka na Ikulu lina urefu wa ghorofa 12 wakati kisheria lilitakiwa liwe na
urefu wa ghorofa sita lakini washitakiwa hao kwa maslahi yao binafsi wakavunja
sheria na kuruhusu ujenzi zaidi wa ghorofa hilo ambalo ni refu nalipo security
zone na linaatarisha usalama wa makazi ya Rais wa nchini(IKULU).
Kwa upande wa wakili
wa washitakiwa Henri Masaba, Pascal Kamala aliomba mahakama hiyo itoe adhabu
nyepesi kwasababu washitakiwa hao watendaji wa mara ya kwanza ya mara ya
kwanza na kwamba ni wagonjwa.
Hakimu Fimbo akitoa
adhabu alisema kila kosa moja ni jela miaka mitatu au kulipa faini ya
Sh.milioni tano kwa kila kosa.Hivyo kila mshitakiwa atakwenda jumla ya miaka
tisa kwasababu kila mshitakiwa na akabiliwa na jumla ya makosa matatu au
atalipa jumla ya Sh.milioni 15 .
Hata hivyo
washitakiwa wote wameweza kulipa faini ya Sh.milioni 15 kwa kila mmoja
mahakamani hapo na wameachiwa huru.
Akizungumza na
waandishi wa habari za mahakamani nje ya mahakama baada ya hukumu hiyo
kutolewa, wakili wa Takukuru, Swai alisema kwanza amefurahishwa na hukumu hiyo
nzuri na ambayo ni salamu kwa wale wote wanaojenga majengo kiholelaholela na
pia ni sifa kwa PCCB kwani kesi hiyo iliendeshwa na PCCB, na kwamba kifungu cha
40 (1) na (2) cha Sheria ya PCCB, inaipa mamlaka PCCB ndani ya miezi sita
kuanzia hukumu ilipotolewa na mahakama kuhusu kesi yoyote iliyoshitakiwa kwa
sheria ya PCCB, kutaifisha mali husika na katika mazingira ya kesi hii, PCCB
ndani ya muda huo ambao umewekwa kisheria unayo mamlaka ya kutaifisha ghorofa
ya 7-12 ya jengo hilo ambalo mahakama imesema ghorofa hizo zilijengwa kinyume
na sheria.
Julai mwaka 2013
washitakiwa walifikishwa mahakamani hapo wakikabiliwa na mashitaka hayo
waliyotiwa hatiani nayo jana ambapo ni jumla ya makosa matano.
Chanzo:www.katabazihappy.blogspot.com;
Februali 11 mwaka 2014.
