MATOKEO YA MKUTANO WA RIO+20 HAYA HAPA

Na Happiness Katabazi JUNI 22 mwaka huu, Rais wa Brazil, Dilma Rousseff aliufunga Mkutano wa kimataifa unahusu mazingira na maendeleo endelevu Rio + 20, ulihitimishwa katika mji wa Rio de Janeiro nchini Brazil, ambapo kwa Tanzania iliwakilishwa na Makamu wa Rais, Dk. Mohamed Gharib Bilal, ukiwa na mafanikio makubwa. Mwandishi wa Makala hii ambaye alihudhuria mkutano huo uliofunguliwa rasmi Juni 20-22 mwaka huu, ambapo pia ulimalizika kwa kufikiwa kwa makubaliano ambayo ni pamoja na hatua kadhaa za maendeleo endelevu zitakazochukuliwa na wafanyabiashara, serikali, vyama vya mashirika yasiyo ya kiserikali (NGOs and Civil Society) na mashirika ya kimataifa. Benki ya Maendeleo ya dunia na zile za Kikanda mathalani African Development Bank zilitangaza mamia ya ahadi za kujitolea ili sura ya baadaye maendeleo endelevu iendelee kubadilika zaidi kwa ajili ya faida ya dunia na watu wake. Matokeo ya mkutano huo yamekuwa na kuanzishwa mfuko kubwa ambao ni pamoja na ahadi za zaidi ya dola za Kimarekani 500,000,000,000 zilizo hamasishwa na ahadi zaidi ya 700 zilitolewa ikiwa ni pamoja na kuharakisha upatikanaji wa nishati, usalama wa chakula, maji na usafiri endelevu jumla ni pamoja na ahadi zaidi ya mia moja na hatua zilizotangaza na Katibu Mkuu wa Umoja wa Mataifa Ban Ki Moon, hususan msaada wa Nishati Endelevu ya Umoja wa Mataifa kwaajili ya jitihada zote katika kufikiana malengo ya tatu – kuhakikisha upatikanaji wa nishati kwa wote hususan watu maskini duniani. Inakadiriwa, lengo ni ufanisi wa nishati na mchango maradufu wa nishati mbadala kwa wote – ifikapo mwaka 2030. Zaidi ya mashirika 50 ya Serikali kutoka Afrika, Asia, Amerika Kusini na mataifa ya visiwa vidogo walikubaliana kuwa wanaohusika na mpango huo na nikuendeleza mipango wa program ya nishati. Wafanyabiashara na wawekezaji wamejitolea zaidi ya 50 bilioni kufanikisha mpango wa tatu. Imekadiriwa kwamba zaidi ya watu bilioni moja watanufaika kutokana na Nishati Endelevu kwa ahadi zote za umma na sekta binafsi. Katika kipindi cha mkutano huu mkubwa, mabenki manane ya kimataifa na benki za maendeleo yalitangaza mpango wao wa kutoa fedha ya zaidi ya 175,000,000,000 kwa kwa ajili ya kusaidia usafiri endelevu katika nchi zinazoendelea. Na Benki ya Dunia ilitangaza kuwa zaidi ya nchi 80, mashirika ya kiraia, makampuni binafsi na mashirika ya kimataifa wametangaza msaada wao waUshirikiano mpya wa Kimataifa wa masuala ya bahari. Ahadi zaidi ya 200 kwa maendeleo endelevu na biashara zilitangazwa wakati wa kuhitimisha Forum UN Global Compact wa Bishara Uendelevu. Ban Ki- Moon pia alitoa rai ya 'Zerohunger Challenge' ambao ni wito kwa mataifa yote kuwa jasiri na kabambe kama wao kufanya kazi kwa ajili ya maslahi ya baadaye ambapo kila mtu atafurahia haki ya kupata chakula na kuendeleza mifumo yote ya upatikanaji wa chakula. Challenge inalenga kutoa asilimia 100 ya upatikanaji wa raundi ya kutosha ya chakula kwa mwaka, wakati kuongeza tija ndogo za kilimo na hasara ndogo ya uharibifu wa chakula. Nchi kadhaa tayari zimejitolea kuchukua hatua kufuatilia changamoto hizi ikiwemo Uingereza ambao wameahidi 150,000,000 (takribani dola za Kimarekani 234,000,000) kusaidia wakulima wadogo wadogo. Siku ya kuhitimisha mkutano huu wa Rio+20, Serikali ya Brazil alitangaza kuundwa kwa Rio + Centre, Kituo cha Dunia kwa ajili ya maendeleo endelevu. Kituo cha Rio + kitawezesha utafiti, kubadilisha na elimu na taaluma ikiwemo kuendeleza mjadala wa kimataifa kuhusu maendeleo endelevu. Washirika wake ni pamoja na Serikali ya Jimbo la Rio de Janeiro, Manispaaya Rio na mashirika kadhaa ya Umoja wa Mataifa, pamoja na taasisi za kitaaluma, biashara na mashirika ya kiraia. Matokeo ya mkutano wa Rio +20 ni pamoja na viongozi wa nchi wanachama wa Umoja wa Mataifa kuingia makubaliano ya ili kutimiza wito wa mkutano huu kwa vitendo ambapo miongoni mwa hoja nyingine nyingi mambo yafuatayo yalisisitizwa katika mkutano huo: Uzinduzi wa mchakato wa kuanzisha malengo ya maendeleo endelevu, undani wa jinsi gani uchumi wa kijani unaweza kutumika kama chombo cha kufikia maendeleo endelevu, kuimarisha Mpango wa Mazingira wa Umoja wa Mataifa na kuanzisha chombo cha majadiliano (forum) kwa ajili ya maendeleo endelevu. Aidha mambo mengine yalisisitizwa ni kukuza hatua ya ushirikiano wa taarifa endelevu, kuchukua hatua ya kwenda mbali zaidi ya Pato la Taifa katika kutathmini ustawi wa nchi, kuendeleza mkakati wa kutafuta vyanzo vya fedha kwa lengo la kuhimiza maendeleo endelevu, kupitisha mfumo wa matumizi endelevu kwa ajili ya kukabiliana na uzalishaji, kulenga na kuboresha usawa wa kijinsia, kusisitiza haja ya kushirikisha vyama vya kiraia na kuingiza sayansi katika sera na kutambua umuhimu wa ahadi za hiari za maendeleo endelevu. Hata hivyo Rais wa Brazil DilmaRousseff, ambaye ndiye aliyekuwa Mwenyekiti wa Mkutano huo ambaye pia ndiye aliyefungua na kuufunga mkutano huo wa kihistoria alisifu matokeo ya mkutano huo ambayo yanatoa mwelelekeo wa dunia katika kuhimiza na kuzingatia maendeleo endelevu katika Nyanja zote. 0716 774494;www.katabazihappy.blogspot.com Chanzo:Gazeti la Tanzania Daima la Jumapili, Julai Mosi mwaka 2012