POLISI,MAGEREZA WADAI MAKALA YA TANZANIA DAIMA ILIKUWA IKICHOCHEA UASI KATIKA MAJESHI

Na Happiness Katabazi

SHAHIDI wa pili wa upande wa Jamhuri Mrakibu Mwandamizi wa Polisi, David Hoza katika kesi

ya kuandika na kuchapisha makala ya uchochezi

inayomkabili aliyekuwa Mhariri Mtendaji wa Gazeti la

Tanzania Daima Absalom Kibanda  ambaye kwa sasa ni Mhariri Mtendaji  wa Kampuni ya New Habari na wenzie wawili,

amedai kuwa makala hiyo ya uchochezi ilisababisha

jeshi la Polisi kufanya mabaraza kwa askari wake ili

kuwaelimisha juu ya kuhepuka uchochezi huo.

Katika kesi hiyo ya msingi, Kibanda anashtakiwa

pamoja na mwandishi Samson Mwigamba na Kaimu

Mhariri Mtendaji wa Kampuni ya Mwananchi

Communication Ltd, Theophil Makunga.

Mbele ya Hakimu Mkazi wa Mahakama ya Kisutu

Waliarwande Lema, shahidi huyo ambaye ni Mrakibu

Mwandamizi wa Polisi David Hoza, alidai kuwa  jeshi

hilo la Polisi lilizamika kuitisha mabaraza ya kutoa elimu

hili kuwazuia polisi wake kutekeleza ushawishi wa

kichochezi ambao alidai ulitokana na makala hiyo

iliandikwa na Mwigamba na kuchapishwa katika gazeti

la Tanzania Daima toleo la 2553.

Hoza akiendelea kutoa ushahidi wake jana  

alidai kuwa katika toleo hilo lililochapishwa  Novemba 30, 2011

kulichapishwa makala hiyo ambayo yeye aliisoma na

kubahini kuwapo kwa uchochezi hivyo kuandikia

maelezo na kuyapeleka kwa wanaohusika kwaajili ya

kufanyiwa upelelezi zaidi.

Alidai kuwa kabla ya kuanza kwa upelelezi huo,

wakiwa viongozi wa jeshi la polisi, iliwalazimu kuitisha

mabaraza ya kuelimisha polisi, na ilo lilifanyika kwa kila

ofisa wa juu anayewaongoza askari wengine .

 Hoza alitoa maelezo hayo, wakati akijibu swali alilokuwa ameulizwa na wakili wa upande  wa utetezi   Isaya

Matambo, aliyetaka kufahamu iwapo jeshi la polisi

lilichukua hatua gani baada ya kuhisi kuwa makala

hiyo ilikuwa ni ya uchochezi.

Akiendelea kujibu maswali hayo, Hoza alisema kwamba

kwa upande wake baada ya kusoma makala hiyo,

alibahini uchochezi na kwamba mwandishi alikuwa

akiwataka askari kutotii wasitii amri za wakubwa wao ili

kuhasi.

Licha shahidi huyo alikana  kuwa hakuna askari aliyewahi

kuhasi toka makala hiyo , Hoza alidai

kwamba ingeliweza kuwaathiri askari wengine

kwakuwa kilichoandikwa kilikuwa kikiwafanya askari

kuona kwamba wanakandamizwa na kuwa

washirikiane na iliyoitwa nguvu ya umma kupambana.

“Licha  mwandishi

hakuwa askari mwenye uwezo wa kutoa amri na

kufuatwa, lakini maneno yake ndani ya makala hiyo

yalijaa uchochezi dhidi ya majeshi yote ya ulinzi na

usalama.

"Na  kawaida askari polisi ufuata amri ya kisheria

inayotolewa na mkubwa wake, hiyo makala si kwamba

ilitoa amri bali ilitoa uchochezi wa kuwashawishi kwa askari

juu ya kutotii amri za wakubwa wao"alidai Hoza.

Alidai kuwa hata yeye alipoisoma ilimpa ushawishi, na

ndio maana akaona kuwa ingeliwashawishi wengine na

kuamua kuchukulia hatua ya kuandikia maelezo kwa

wakubwa wake ili ifuatiliwe.

Hoza alidai baada ya kuandika maelezo hayo, ulianza  kufanya upelelezi  ambao ulishirikisha maofisa wengine kutoka vikosi vya ulinzi na usalama ambavyo Mwigamba

alivitaja katika makala yake.

Aliongeza kuwa pia walishirikishwa maofisa kutoka

idara ya Habari maelezo, kwaajili ya  utaalamu wa

kuhusiana na masuala ya uandishi wa habari.

Kwa upande wake shahidi wa tatu katika kesi hiyo

ambaye ni Kamishna msahidizi wa jeshi la Magereza

George Mwambashi, akitoa ushahidi wake jana alidai kuwa kwa uchunguzi

aliofanya hakukuwa na askari yoyote wa magereza

aliyehasi kutokana na makala hiyo inayodaiwa kuwa

ya uchochezi.

Akitoa ushahidi huo, Mwambashi alidai  kuwa jeshi

lake pia lilifanya jitihada ya kuelimisha askari wake ili

kuwahepusha na uhasi ambao pengine ungeweza

kutokea kutokana na uchochezi huo.

Hakimu Lema   aliarisha kesi hiyo hadi  hadi Februari 14 mwaka huu,

itakapoendelea kusikilizwa tena mahamani hapo.

Chanzo:Gazeti la Tanzania Daima la Jumanne, Januari 15 mwaka 2013